Ram pumah nawrh huaihawt

Indian Medical Association (IMA)-a doctor affiliated-te chuan sorkar laipuiin MCI ṭhiat a, a aia National Medical Commission (NMC) dinna tura rawtna a siam duh lohna lantirin nimin khan ram pumah nawrh an huaihawt.

IMA chuan sorkar thil tih tum dan chu democracy kal≠phung lo tiin an duh loh thu an sawi. Delhi-ah chuan Jantar Mantar-ah nawrh huaihawt a ni a, ramchhung hmun dang 500-ah pawh nawrh hi huaihawt a nih thu IMA National President Dr SS Agarwal leh National President (Elect ) Dr KK Aggarwal-te chuan an sawi.

Medical Council of India ṭhiat a, a thlakna atana National Medical Commission (NMC) din tum hian medical lama thawkte tan an hnathawhna kawngah harsatna a thlen thei dawn niin IMA chuan a sawi. MCI hi
ṭhiat kher loin, MCI Act hman mek chu siamṭhat dan kawng ngaihtuah zawk tura sorkar an duh thu an sawi bawk.

IMA hnuaiah hian ram≠chhung state 30-ah local branch 1,765 a awm a, district 686-ah inzarpharhin member hi doctor nuai 2.7 chuang an awm a ni. KK Aggarwal chuan, ìIMA hian kum hnih chhung sorkar laipuia an thil phut parukte tihhlawhtling turin a bei tawh a ni. Kum 2015-a nawrh huaihawt an tum pawh Health Minister JP Nadda-aín thil phutte ngaih≠≠≠≠≠≠tuah a, ka ruk chhunga pawmsak ngei a nih tur thu a tiam avangin ṭhulh a lo ni tawh. Mahse kum khat chuang a liam hnuah pawh hengte hi chinfel a la ni lo a, hei vang hian kan thil phut hlawhtlin nan hian boruak
ṭha tak hnuaia rampum huap nawrh huaihawt hi kan rel ta a niî, a ti.

Sorkar laipuiin National Medical Commission Bill 2016 a duanah chuan, NMC-ah hian sorkar laipuiin a ruat, non-elected member dah tel tura tih a ni. Mahse hei hi IMA chuan a duh lo a, Prime Minister Narendra Modi pawh open letter an thawn tawh.