Ramchhung lawrkhawm

Pawisa hlui thleng nan
ID photocopy a ngai lo

Reserve Bank of India chuan bank-a pawisa note hlui thlengna atan ID photocopy ken a ngai lo tih a sawi.

RBI chuan kaihhruaina dan a siam≠ah, customer-te chu an nihna tichiangtu tur document keng tura tih an ni a, a photocopy ken tel kher a ngai lo, a ti. Hengte hi thehluh kher a ngai lo a, teller hnenah entir mai tur a ni, a ti. Hetih lai hian bank tam tak chuan customer-te hian an ID bakah a photocopy an lo phut tel a, hei vang hian mipuite tan harsatna a thlen belh a ni.

AIIMS-ah Sushma Swaraj-i enkawl mek

External Affairs Minister Sushma Swaraj-i chu a kal ṭha lo avangin Delhi-a AIIMS damdawi-inah enkawl mek a ni a, dialysis tih tir a ni.

Kum 64 mi, Swaraj-i chuan dialysis tihsak mek a nih thu hi Nilaini khan a twitter-ah a sawi a, a kal thlak a ngaih dawn avangin test a neih mek thu a sawi. Swaraj-i hi Cardio Thoracic Centre hotu, Balram Airan-an enkawlna hnuaiah cardio-neuro centre-ah dah a ni. Kum 20 dawn diabetes a lo nei tawh a ni.

Bhiwani court-ah
Rahul Gandhi inlan

Congress vice president Rahul Gandhi chu Rashtriya Swayamsevak Sangh (RSS)-ten a laka defamation case an thehluh chungchangah, nimin khan Mumbai bula Bhiwani court-ah a inlan.

Rahul Gandhi hian kum 2014 in≠thlanpui neih dawna Mumbai khaw daia a campaign-naah, Mahatma Gandhi chu RSS ho thah niin a sawi nia puh a ni. Hei vang hian RSS chuan an pawl tihhmingchhiat tuma puhin, a lakah thubuai an thehlut a ni. Gandhi chuan a thusawiah a la din nghet reng tih sawiin, thubuai hi hmachhawn a inpeih thu a sawi. Bombay High Court-in defamation case a hnawl duh loh avanga a appeal-na pawh a hnukdawk leh a ni.