Pawisa note hlui pawhbun nuai 25 hmuchhuak

Jamshedpur police-te chuan Nilaini zan khan Rs 500 leh Rs 1,000 note awmna ip chu Sonari Arogya Bhawan-a tui luan-kawrah an hmu. Ip chhunga pawisate hi pawhbun vek a ni a, police-te chuan pawisa awm zat hi cheng nuai 25-30 inkar vel a nih thu an sawi.

Police-te chuan an pawisa hmuh hi pawhbun vek a ni a, a bung lehlam chu hmun hranah an paih nia an rin thu an sawi. Hemi chungchang hi Reserve Bank of India leh income tax department pawh a hriattir tawh. Pawisa paihtute hi hriatchhuah ngei an tum thu sawiin, Jamshedpur senior police superintendent Anoop T Mathew chuan an chharna biala CCTV footage-te an enfiah vek dawn tih a sawi.