Pawisa thleng theih zat titlem

Sorlar laipui chuan bank leh post office-a pawisa note hlui thleng theih zat, mi pakhatin ṭum khatah Rs 4,500 zel a bithliah chu a titlem leh a, vawiin aṭangin Rs 2,000 chin thleng theih a ni ang.

Nimina New Delhi-a press conference a neihah he thu hi sawii, Economic Affairs Secretary Shak-tikanta Das chuan No-vember 18 aṭangin pawisa note thi, a thara thleng theih zat chu Rs 2,000-ah tihhniam a ni dawn tih a sawi. Mahse inneih lawmnaa hman tur bik atan account pakhat aṭangin cheng nuai 2.5 lakchhuah theih a ni dawn tih a sawi nghal bawk.

Sorkar laipui chuan sum fai a ngah tawk tih sawiin, central sorkar hnuaia thawk, Group C chinte chuan an hlawh aṭangin Rs 10,000 chu a pawisa faiin an la lawk thei a, hei hi November thla hlawhah siamrem a ni mai dawn a ni, a ti.

Loneitute chuan an loan lak aṭangin thlai chi leh leiṭha leina atan kar khatah Rs 25,000 an lachhuak thei a, mahse an sum lakchhuah chu loan latu account aṭang chauhin a theih ang. Wholesale market-a sumdawngte chuan kar khatah Rs 50,000 chin an lachhuak thei bawk ang.