India sipaiten ‘Yudh Abhyas 2025’ nei turin Alaska thleng

India sipai contingent-te chu nimin khan kumtina neih ṭhin, US nena sipai nunchan zir hona hmang turin Fort Wainwright, Alaska an pan. Nunchan zir hona hi a vawi 21-na tur niin 'Yudh Abhyas' tih a ni a, September 1-4 chhung neih a ni ang.

Nunchan zir honaah hian sipai battalion Madras Regiment chu India aiawhin an kal a, U.S. Army 11th Airborne Division 1st Battalion, 5th Infantry Regiment "Bobcats" Arctic Wolves Brigade Combat Team nen nunchan an zir ho dawn a ni. Tactical drill hrang hrang heliborne operations, surveillance assets leh unmanned aerial systems hman dan, tlang ruama inbeih dan, hliam chhan chhuah, aviation, leh electronic warfare system-te zir ho tum a ni.

Ram pahnih sipai ve ve aṭangin mi thiam bikte kaihhruainain UAS leh counter-UAS operation, information warfare, communications, leh logistics zir ho a ni dawn bawk. Nunchan zirna hi UN peacekeeping operation huangah thlurbing tur niin, kawng hrang hrang aṭanga beihna thleng thei atana inpeih renga awm a nih theihna tur atana ruahman a ni bawk.