Zirlai naupangin colour blind zirlaite pui thei tur AI tool siamchhuak

Adani International School zirlai Aahan Prajapati, piantirh aṭanga rawng sen leh hring thliar hran theih lohna nei sa, colour blind chuan amah anga colour blind dangte tan AI hmangin 'machine-learning model'; textbook a diagram leh map zir theihna tur a siam chhuak. Aahan Prajapati hi kum 17 mi niin colour blind-te tana a thil siamchhuah hi khawvel hriat a ni tawh bawk.

Aahan Prajapati thil siam chhuah, machine learning model hi textbook diagram leh map-a enchhinna an neih aṭangin a thil siam hi 99.7% in a dik tih hmuh chhuah a ni. A thil siam chhuah hmang hian UK-ah Crest Gold Award chu a dawng bawk. Aahan chuan a hlawhtlinna chhan hi a sikul kalna Adani International School-in a thlawp tlat vang a nih thu a sawi.

AI hmanga hmasawnna thar siam chhuah hian zirlai puihna tur chauh a thlen lo a, zirna in a zirtirtu nelawm ni turte, zirlai kaihhruaina leh zirna pek ṭhin dana hriatthiamna nasa tak nei tura zirtirna pek ṭulna a thlen tir bawk. Aahan hnathawhte hi Indo-French AI and Healthcare conference IIT-Delhi a pholan tura tih a nih bakah, International Journal of High School Research, New York-ah tihchhuah tum a ni bawk.