Nestle-in Maggi stock tichhe turin Rs vbch 20 a pe

Nestle India chuan food regulator, Food Safety and Standards Authority of India (FSSAI) in Maggi noodle a siamte a him tawk lo nia a sawisak hnuah, a noodle siamsa te tichhe turin Ambuja Cements hnenah cheng vaibelchhe 20 a pe.

Maggi noodles-ah hian danin a phal bak lead hmuh a nih avang leh, a tihtuina atana hmehhan, monosodium glutamate (MSG) telh a nih avangin mihring ei atan a him tawk lo nia sawiin, FSSAI chuan a pek chhuahte pawh la kir vek turin a lo hriattir tawh a ni.

Nestle India chuan Maggi noodle a siamsa te chu Maharashtra-a Chan­drapur-a Ambuja Cements plant-ah a hal raltir vek dawn a, hemi atan hian Am­buja Cements hnenah hian cheng vaibelchhe 20 a pe a ni.

Nestle India thupuangtu chuan Ambuja Cements hian Maggi noodle an lakkir te tihralna turin a pui dawn tih a sawi a, a halralna tura sum an pek bakah hian, market aṭanga an thil siam an lakkirna te, a tihralna tur hmuna phurh thlenna turahte an la sen belh dawn bawk niin a sawi.