ED-in Lalit Modi-a hriattirna a pe

Enforcement Direc­torate chuan Indian Pre­mier League (IPL) hotu hlui, Lalit Modi chu dan kalha sum transfer-a puh­na kaihhnawihah kar hnih chhung ngeia an hnena inlan tura hriattirna a pe.

ED hian Mumbai-a Lalit Modi-a attorney kal­tlangin hriattirna hi a pe a, amah ngei inlan turin a ti a ni. Hetihlai hian Modi-a attorney, Meh­mood Abi chuan hriat­tirna engmah an dawn loh thu a sawi thung.

Sum tam tak eiru leh dan kalha chea puh a nih hnuah, Lalit Modi hi England-ah tlanchhiain a khawsa zui a ni. Hetihlai hian eptu pawl hrang hrangte chuan Modi-a a chungthu hi ngaihtuah tura India rama hruai let turin sorkar an nawr reng bawk.