Modi-a sorkarin Nalanda Univ. aṭangin min paihchhuak: Amartya Sen

Amartya Sen chuan Nalanda University Chan­­cellor candidate a nihna aṭanga a inhnuh­dawh chhan chu Prime Minister Narendra Mo­di-a kaihhruai sor­karin a paihchhuah vang a ni, a ti.

Nobel Prize chawi­­mawina pawh lo dawng tawh, Amartya Sen-a'n Nalanda Uni­versity aṭanga a chhuah chhan a ziah hi New York Review of Books, August issue-ah tihchhuah a ni ang.

Times of India-in a kawmnaah, Sen chuan Modi-a kaihhruai sorkar zirna-ina inrawlh nasa lutukah a puh. Hei bakah NDA sorkarin health leh education budget a tihniam chu ṭha a tih loh thu a sawi bawk.

Sen chuan, "Board member ṭhenkhat, a bikin ramdang mi member-te chuan min lo ṭan ve hle a, mahse hruaitu awmze nei lo ni tur chuan ka awm duh lo a ni," a ti. Nalanda University chauh chu sorkar laipui inrawlhna a ni lo a, zirna-ina sorkar lam a inrawlh nasat dan chu tunhma lamin a la awm ngai lo tih a sawi.