PM Modi leh France President Macron inbia

Prime minister Narendra Modi leh France president Emmanuel Macron chu Inrinni liam ta khan phone call hmanga inbiain, thawh dunna tur hrang hrang bakah Ukraine-a buaina chhuak rang taka titawp tura hmalakna turte an sawi.

Ram hruaitu pahnih inbiaknaah hian India-French thawh dunna chuan khawvela remna leh muanna thlen zawnga thawh chu an tum ber a nih thu leh, ram pahnihte thawh dunnain a tum ber pawh a nih thu an tarlang nawn leh bawk. PM Modi leh president Macron chuan sector hrang hrang defence, Space, science, technology leh economy huangahte thawh dunna ṭha zawnga neih a nih thute an sawi a ni.

Modi chuan nakkum, kum 2026 February-a AI impact Summit India-in a huaihawt tura tel tura a sawmna Macron-a'n a pawm chu a lawm thu a hrilh bawk.

Inrinnia hruaitu pahnihte inbiak hma hian Macron chuan Ukraine chungchang ngaihtuahin ‘Coalition of the Willing’ meeting a lo huaihawt tawh a, he hunah hian Europe, Australia, Canada leh Japan hruiatute bakah Ukraine President pawh a tel. August 21 khan Modi leh Macron hian Ukraine buaina chinfel a nih theih dan tur leh, West Asia bial chungchangte chu phone-ah an lo sawidun tawh bawk a ni.