New Delhi-ah India-Bangladesh JRC meet nei dawn

India leh Bangladesh chuan tun hnaia ram pahnih inkarah buaina hrang hrang a awm mek chungin, India-Bangladesh Joint River Commission (JRC) meet chu vawiin hian New Delhi-ah neih an tum. Bangladesh hian ramri kan lui 14 inṭawm chungchanga ngaihtuah tur pawimawh sawi tur hian member 10 awmna team chu an rawn tir dawn a ni.

Bangladesh chuan inbiakna hi kum 1996-a India nen a inremna lo neih tawh, Ganga Water Agreement, nakkum atana tihthar leh ngai, tihtharna atana hman an tum niin an sawi. Hei bakah hian nikum August-a Sheikh Hasina paihthlak a nih hnuah, nakkum vek hian inthlan hmasa ber tur huaihawt an tum bawk. Inremna neih hi Hasina thuneihna chan hmasak ber ṭum, kum 1996 a neih tawh kha a ni a, kum 30 dana tihthar zel tura tih a ni a, Bangladesh lam hian tihthar leh hun tur hi a hma aia reiin siam a ngen rin a ni bawk.

Bangladesh lam hian lui 14 inṭawmte enkawlna tur hian special vehicle an dil rin a ni a, enkawl tura ngen zingah hian Muhuri, Khowai, Gomti, Dharla, leh Doodhkumar pawh a tel. Bangladesh hian India puihnain tuilian hriat lawk theihna hmanrua inṭawm neih a duh nia sawi a ni bawk. Nikum khan Tripura-a ruah sur nasa vangin Bangladesh khawchhak lamah tui a lian a, politic inbeihna nasa tak a thlen phah nghe nghe.