J&K-ah hepawl mi kahhlum a ni, sipai in hliam tuar

Jammu and Kashmir-a Kulgam district-ah nimina sipai leh helpawl inkahna thlengah helpawl mi pakhat kahhlum niin, sipai pathum an hliam bawk. Hliam tuar zingah hian Junior Commissioned Officer pawh a tel. Intelligence aṭanga hriattirna an dawn bawhzuia dap chhuah beihpui thlaknaah helpawl nena inbeihna hi a thleng a ni.

Beihpui thlakah hian sipai, police, leh paramilitary force CRPF thawk hoa neih niin, dap chhuah hna kalpui a nih lai hian helpawl lam hian silai an hmet puak hmasa niin sipai lam chuan an tarlang. Beihpui thlakna hi Kashmir chhimlam Guddar ramngawah niin sipai hliam tuarte hi damdawi-in an pan pui nghal a, an ngaihtuahawm lutuk lo niin an sawi.

Tun hnaiah hian J&K huamchhungah hian sipai leh helpawl inbeihna hi a thleng leh fo a,sipai lam pawhin beihpui thlak an kalpui chhunzawm reng niin thuneitu lam chuan an tarlang.