MEA-in Nepal-a India mi awm kaihhruaina tichhuak

Ministry of External Affairs (MEA) chuan nimin khan Nepal tualchhung buaina chhuak vangin India mi, Nepal-aa awmte tan hriattirna a tichhuak a, Nepal thuneitute thuchhuah siam ngai pawimawh tur leh zawm turin a hriattir. Ministry chuan buaina chhuak vanga nunna chante a tawrhpui thu a tarlang tel bawk.

Nepal prime minister KP Sharma Oli-a'n social media platform hrang hrang a khap avanga lungawi lohna lantir a nih hnuah buaina hi a chhuak a ni. Sorkarin khapna a sut leh hnuah pawh eirukna leh thil dangah sorkar laka lungawi lohna lantir chhunzawm a nih vangin Oli hian nimin khan PM a nihna aṭanga banna a theh lut a ni.

MEA chuan buaina chhuak chu an thlithlai reng tih sawiin, India mi awmte tana ṭha tura hma an lak zel tur thu pawh an sawi. Buaina chhuak chu inbiakna mumal tak neia tihreh theih an beisei thu thuneitute chuan an tarlang bawk.