Internet shutdown vangin 2020-ah India-in USD tld 2.8 hloh

Kum 2020 chhung khan India ramah internet shutdown a ni fo a, hemi avanga sum hloh hi US dollar tluklehdingawn 2.8 a tling. 

Nikum chhung khan ram chhung hmun hrang hrangah internet shutdown ṭum 75 a thleng a, shutdown hun chhung hi darkar 8,927 a tling a ni. Sum hloh hi kum 2019 aiin a let dawnin a tam a ni. India hi nikum chhung khan internet restriction siam nasa ber ram a ni a, a bikin he khuahkhirhna hi Jammu and Kashmir chuan an tuar nasa hle. 

Internet shutdown vanga India dawta sum hloh nasa ber ram chu Belarus niin, nikum chhung khan darkar 218 chhung blackout awmin, USD maktaduai 336.4 a hloh phah nia sawi a ni bawk. Internet shutdown tam ber hi President thlanna duh loh vanga nawrh huaihawt vanga thleng a ni. Myanmar-ah kum 2020 chhung khan internet blackout darkar 5,160 chhung awmin, Chin leh Rakhine state-ah khuahkhirhna hi la hman chhunzawm a ni bawk.