Covid-19 kai thar 12% in pung
India ram pumah Nilaini khan Covid-19 hri kai thar 20,346 awmin, Thawhlehni aia hri kai thar a punna hi 12% a tling.
Ram pumah hri kai hmuh chhuah hi 1,03,95,278 awm tawhin, a tam zawk enkawl dam an ni tawh a, hri kai enkawl mek hi nuai 2.8 chuang hret an la awm. Nilaini vek khan hripui vanga thi 222 awm belh lehin, India rama Covid-19 vanga thi hi 1,50,336 an tling tawh a ni.
Vawiinah dry run nei leh dawn
Vawiin hian Covid-19 vaccine semchhuahna tura inbuatsaihna, dry run vawi hnihna chu state hrang hrangah neih a ni leh dawn. January 2 khan dry run vawi khatna hi neih a loni tawh a ni. Dry run-ah hian mipuite hnena vaccine sem chhuah dan ṭha ber te enfiah niin, logistic leh training lamah fel tawk loa awm tihte enfiah a ni.