Tamil Nadu sorkar thutlukna sut turin hrilh

Tamil Nadu sorkarin an state chhunga movie theatre-a seat zawng zawng luah khat phalna thupek a siam chu sut leh nghal turin sorkar laipui chuan a  hriattir. 

AIADMK sorkar chuan hri leng vanga movie theatre-a khuahkhirhna a siamte chu kar liam ta khan sutin, seat luah khat vek a phalsak a ni. Hetih lai hian union home ministry chuan kaihhruaina a siamah, containment zone pawn lamah pawh movie theatre-ah chuan seat 50% chauh luah a la phalsak a ni. 

Union home secretary Ajay Bhalla chuan hemi chungchangah hian Tamil Nadu chu hriattirna pein, union home ministry kaihhruaina hi January 31 thleng atana pawhsei a nih thu a sawi a, hei vang hian Tamil Nadu state sorkarin thutlukna a lo siam chu sut turin a hrilh a ni. Lehkha a thawnah hian Supreme Court thupek, state leh UT tinten Covid-19 darh tur venna atana kaihhruaina an siamte, mask vuah leh social distancing dan zawm tur tih chu kalpui chhunzawm zel a ṭul tih a sawi bawk.