Delhi mipui 81% in state puitling an duh

Delhi khawpuia cheng­te ngaihdan laknaah an zinga 81% chuan Delhi chu state puitlinga hlankai an duh.

C-voter survey neihah 81% chuang zet chuan state puitlinga dah an duh leh duh loh chungchanga vote lak a nih chuan a duh lamah an vote dawn tih an sawi.

Delhi-a rorellai, AAP sorkar chuan state puitlinga hlangkai turin sorkar laipui a nawr reng a, Chief Minister Arvind Kej­riwal chuan tun hnai khan urban deve­lopment department hnenah hemi chung­changa mipuite ngaihdan lakna hun siam tur pawhin a lo dil tawh a ni.

Hetihlai hian AAP-in party fund an neih tawh loh avangin CM chuan mipuite hnenah an party tana thawhhlawm pe turin a ngen. Kejriwal chuan, "Thuneihna kan chan hnuah kan party fund hi kan hmang zo tawh a ni. Party enkawlna tur fund kan mamawh tawh a ni. Mipuite thawhhlawm tling khawm aṭangin party hi enkawl kan duh a ni," tiin, dik lo takin party fund tur chu an la lut thei tho a, mahse hei hi an duh loh thu a sawi.