PM Modi-a'n Kolkata-ah Armed Forces conference hawng dawn

Prime minister Narendra Modi chuan vawiin hian Eastern Command headquarter Vijay Durg, Kokata-ah ni thum awh tur Combined Commanders' Conference a hawng dawn. Conference theme atan hian 'Year of Reform - Transformation for the Future' tih a ni.

Vawiina conference hman tur hi Operation Sindoor, May thlaa kalpui a nih hnua neih hmasak ber tur a ni. PM hian nimin khan Assam aṭangin Kolkata hi a pan a, conference zawhah Purnea, Bihar chu vawiin chawhnu hian pan leh nghal dawn niin official chuan an tarlang. Combined Commanders' Conference (CCC) hi ramchhunga civil leh sipai huanga thawktu rilru tuai tharna tura ruahman niin, thil ngaihtuah chhuah leh remhriatna atana hruaitute thlir dan tihzau tawnna atana hman tum a ni.

CCC-ah hian defence minister Rajnath Singh, national security advisor Ajit Doval, chief of defence staff General Anil Chauhan, leh defence secretary Rajesh Kumar Singh-te an tel dawn bawk. Defence lam thuchhuah siamah hian ni thum awhtur hi zau zawka sipai tha tihchakna tur a nih thu an sawi. CCC neih hnuhnung ber chu kum 2023-a Bhopal-a huaihawt kha niin, prime minister vekin a hawng.

PM Modi hian thla pawh ral hmain Kolkata hi vawi hnih a tlawhna tur a ni a, August 22-a a tlawh ṭum khan West Bengal-a hmasawnna hna thawhna tur lungphum a phum a ni. Project thawhna tur atan hian Rs vbc 5,200 hu sum ruahman a ni bawk.