HM Amit Shah-a'n 2nd ANTF a hawng dawn

Union home minister Amit Shah chuan naktuk, September 16 hian state leh union territory hotute nena hman tur, 2nd National Conference of Anti-Narcotics Task Force (ANTF) a hawng dawn. Conference hi New Delhi-ah neih a ni ang.

Home Minister hian Narcotics Control Bureau (NCB) 2024 annual report a tlangzarh bakah online Drug Disposal Campaign a hawng nghal ang.

Conference hi NCB huaihawt niin thupui atan 'United Resolve, Shared Responsibility' tih hman a ni a, hun hman chhung hian thupui hrang hrang hmangin technical session vawi riat hman tura ruahman a ni. Thupui hman tur zingah “Drug Free India @ 2047 - Criticality of ANTF and NCORD” tih pawh telin, ruihhlo kaihhnawih leh pawi khawihna thlen ṭhin chungchang leh sum hman dik lohna chhui chiannate pawh sawi tur zingah ruahman a ni.

ANTF conference hi state leh union territory head 36 leh sorkar department hrang hranga stakeholder ten an tel pui dawn a, September 16 leh 17 chhunga hman tur a ni. Conference hman tur hi prime minister Narendra Modi-a'n drugs free India din a tumna tihhlawhtlinna tura tih niin, a thil tum hlawhtlinna atana kawng ruahmante chu sorkar hian a tlangzarh nghal dawn bawk.