PM Modi-a'n J&K a tlawh dawn

Prime Minister Narendra Modi chuan July 17 hian Jammu and Kashmir a tlawh dawn.

PM Modi hi Congress hruaitu hlui thi tawh, Girdhari Lal Dogra-a pian cham vawi 100-na lawmna hmang turin a kal dawn niin official-te chuan an sawi.

Congress hruaitu ropui tak zinga mi, Dogra hi Jammu biala Kathua district-a cheng ṭhin a ni. Finance Minister Arun Jaitley-a nupui hi Dogra fanu a ni.

J&K a tlawh hunah PM hian state tihhmasawnna tura sorkar laipuiin cheng vaibelchhe 70,000 a pek tur thu pawh a puang nghal dawn nia sawi a ni. Hei bakah hian Jammu biala AIIMS dah anih tur pawh a puan nghal rin a ni bawk.