SC-in Vijay Mallya Rs nuai 10 a chawitir

Supreme Court chuan UB Group hotu, Vijay Mallya-a'n a criminal case titawp tura a ngenna chu a hnawl bakah, cheng nuai 10 a chawitir.

Foreign exchange rules bawhchhiaa puhin, Vijay Mallya lakah hian criminal case siam a ni. Enforcement Directorate (ED) chuan kum sawm chuang liamtaah khan Mallya hian rampawn lama a zu siam tihlarna tura sum a pek danah Foreign Exchange Regulation Act (FERA) a palzut tiin a sawi. Agency hian kum 1995 December thlaa Kingfisher brand thehlarna tura Mallya-a'n London-a Benetton Formula Ltd contract a siampui danah thu zawhfiah an duh bawk.

Mallya hian kum 1996, 1997 leh 1998 khan London leh Europe ram ṭhenkhata Formula One World Championships neihah Kingfisher logo tilang turin British firm hi dollar 200,000 a pe nia puh a ni. Heng pawisate hi RBI pawmna hmu hmasa loa pek a nih avangin FERA palzuta puh a ni.