Rahul-a'n Delhi khawlaia thil zuarte a hmu

Congress vice president Rahul Gandhi chuan nimin khan Delhi khawpui chhung, kawtthlera thil zuarte hmuin, an tana theihtawp chhuahsak zel a tiam.

West Delhi Raghubir Nagar biala thil zuarte a hmuh laiin, Rahul Gandhi chuan, "Vendor-te hian a hmain hmun an neih ṭhat loh chungchangah min rawn be tawh a ni," a ti.

Rahul Gandhi hi Delhi PCC hotu Ajay Maken leh AICC in-charge Delhi PC Chako-te'n an ṭawi­awm. Thil zuarte awm­na hmun hrang hrangte chu a tlawh kual a ni.

Vendor-te awmna hmun hi civic thu­neitute'n an lak ṭhen­sak avangin an hmun hi a chep tawh hle.

Congress hruaitu chuan vendor-te'n an harsatna hrang hrang an sawite chu thuneitute sawipui a tum thu a sawi.

Ajay Maken chuan Street Vendors (Protection of Livelihood and Regulation of Street Vending) Bill, 2014 siamna kawngah Rahul Gandhi chu a pawimawh hle tih a sawi. He Bill hian kawtthlera thil zuarte police leh civic thuneitute an tihnawmnah tur lakah a veng a, hei bakah hian social security a pe bawk.