ECI-in WBengal-ah poll officer training nei ṭan

Election Commision of India (ECI) chuan nimin Thawhlehni aṭang khan West Bengal-a Special Intesive Revision(SIR) kalpui tum a nih angin poll officer-te training an neihpui ṭan tih state official chuan an tarlang. West Bengal-ah hian nakkumah assembly inthlan neih tura tih a ni a, nimina training neih hi state chief election officer(CEO) Manoj Agarwal, leh additional CEO Dibyendu Das leh Arindam Neogi te'n an kaihruai a ni.

Bengal-a poll officer training hi roll ennawn kalpui a nih huna booth-level officer(BLO) ten tluang leh dik zawka hma an lak theihna tura tih a ni. State chhung hmun hrang hrang aṭangin assistant district magistrates (ADM) leh electoral registration officers (ERO) te pawh training pek tum a ni a, official te hian a bulthum aṭangin BLO te zirtirna an pe ve leh ang.

Roll ennawnnaah hian BLO te chu in tinah kala mumal leh uluk taka document endik tura tih an ni a, roll ennawn tur hi kum 2002 a voter list nen khaikhin zel tur a ni. West Bengal-ah hian January 2025 khan roll list thar ber chu tihchhuah a lo ni tawh bawk. Kum 2002-a list nena enkawpna hian thil fel loh awm leh dik lo awm thei lakah a puih theih rin a nih thu official chuan an tarlang.

Deputy Election Commissioner Gyanesh Bharti chuan karleh hian roll tih thar dan tur inbuatsaihnate ennawn tur leh kalpui tawh dante zirchiang turin Kolkata-ah kalin hmalak dan tur a zirchiang leh dawn a ni.