Padma Award dawng turin Raje-in Modi a rawt

Eiru leh dan bawhchhiaa puh, Indian Premier League (IPL) hotu hlui, Lalit Modi a ṭanpui avanga sawisel tawk mek, Rajasthan Chief Minister Vasunradha Raje-i chuan kum 2007 khan Lalit Modi hi chawimawina sang, Padma Award dawng turin a lo rawt tih hriatchhuah leh a ni.

Dainik Bhaskar-in a report danin, Raje hian kum 2007, July 28 khan sports council kaltlangin chawimawina dawng tur atana Lalit Modi a rawtna hi a thawn a ni. Rawtna a thehluhah hian, state sorkar chuan Lalit Modi-a sumdawnna lian tak leh, an state-a cricket tihhmasawnna tura a hnathawh chu chawimawi tlakah an ngai tih a sawi. Raje-i hian Lalit Modi-a'n an Rajasthan-a Champions Trophy hnuaia international match ruk a thlenna atana a puih dante pawh a ziak lang bawk.

Lalit Modi hi thubuai siamsak a nih hnuah kum 2010 khan England-ah a tlanchhia a, tun thlengin London-ah a khawsa zui a ni. Eptu party-te chuan a chungthu hi ngaihtuah a nih theih nan India rama hruai kir turin sorkar laipui an nawr mek a ni.