Congress-in CWC meeting Patna-ah nei dawn

Congres party-a committee sang, Congress Working Committee(CWC) meeting chu September 24 hian Patna-ah an nei dawn. Meeting-ah hian Bihar assembly inthlan lo awm tur chungchang hma lak dan te, 'Vote Chori' hmanga BJP beihna kalpui zui dan turte an ngaihtuah tel ang.

CWC meeting hi huang zau zawkin an nei dawn a, member leh sawm bikte bakah party chief minister, Pradesh Congress Committee president, leh Congress legislative party (CLP) hruaitute an tel dawn a ni. Party president Mallikarjun Kharge leh party president hlui Rahul Gandhi-te pawh an tel dawn a ni.

Congress hian Bihar inthlan neih tur thlirin Thawhlehni khan Pradesh Election Committe an din a, Bihar unit chief Rajesh Ram, Shakeel Ahmed Khan leh Madan Mohan Jha-te an tel. Committee-ah hian member 39 awm in MP, MLA, MLC, AICC secretary-te leh Bihar aṭanga CWC member-te an tel vek bawk.