ED-in Lalit Modi hnenah email a thawn

Enforcement Directorate (ED) chuan sum tichingpena puhna kaihhnawihah Indian Premier League (IPL) hotu hlui, Lalit Modi chu an hnena inlan tura hriattirna email hmangin a thawn.

ED hian Lalit Modi hi an hnena inlan tura hriattirna an pek thu a sawi tawh a, mahse Modi leh a ukil chuan hriattirna hi an dawng lo niin an sawi thung. Hemi hnu hian email hmangin an thawn leh ta a ni.

Official-te chuan criminal investigation a nih avangin ED hian hriattirna pe tur hian khuahkhirna siam sak a nih loh thu an sawi. Hei bakah hian Modi-a laka bail theih loha manna tur thupek tichhuak turin court chu eng hunah pawh an pan thei tih an sawi bawk.

Agency hian Modi-a hnena hriattirna a thawn chungchangah Thawhlehni thleng khan chhanna an hmuh loh avangin a personal email ID ah kohna hi an thawn leh ta a ni. He email hi midangte biak pawhna atan pawh Modi hian a hmang ṭhin niin an sawi.