Bihar CM leh Amit Shah seat inṭawm chungchangah inbia

Bihar chief minister Nitish Kumar chuan Ningani khan union home minister Amit Shah chu Patna-a hotelah kawmin, NDA hnuaiah BJP leh Janata Dal(United) ten Bihar inthlan huna seat insem dan tur chungchang an sawi. Inbiaknaah hian deputy CM Samrat Choudhary bakah senior JD(U) hruaitu Vijay Kumar Choudhary leh president Sanjay Jha pawh an tel a ni.

Hruaitu pahnihte hi nikum hnua mumal taka inbiakna an neih lehna hmasa ber a ni. Bihar-ah hian assembly seat 243 awmin, BJP leh JD(U) hian seat 100 leh 101 bawrah an insem thei dawn nia sawi a ni a, thutlukna erawh siam a la ni lo.

NDA-a tel, HAM hruaitu Jitan Ram Manjhi pawhin seat 15-20 aia tlem lo an chan theih an beisei a, Rashtriya Lok Morcha (RLM) pawhin seat sarih chan an beisei ve bawk niin an tarlang.

Kumin Bihar assembly inthlan hi October -November inkarah neih tum a ni a, election commission-in inthlan hun tur hi October chawlhkar hmasa berah an puan hman beisei a ni.