IAS officer 56-in central posting an chhuahsan tawh

Kum 2014, May thlaa Narendra Modi-a kaihhruai BJP sorkar a din aṭang khan IAS officer 56 chuan an hun tawp hmaa central posting chhuahsanin, state lamah an kir leh.

State lama kir duh officer zinga a tam zawk hi senior officer, joint secretary leh a chung lam rank an ni. Hetiang hi thil thleng khat tak nia sawi a ni.

Department of personnel and training (DoPT) website-in a tarlan danin, kum 2013 khan central sorkar hnuaia an hun zawh hmaa chhuak IAS officer chu pathum chauh an awm a, kum 2012 khan pahnih an awm.

DoPT official chuan IAS officer tam tak insawnchhuah duh chhan chu Narendra Modi-a kaihhruai sorkar hnuaia thawh an duh loh vang a ni kher lo tiin a sawi a, senior level-a an tih ngai thil dang vangte a nih theih thu a sawi.