Maha CM thlalak post-tu thubuai siamsak

Social media-a Maharashtra Chief Minister Devendra Fadnavis sawichhiatna thu leh, a chhungte nena yatch-a chawlh an hmang lai thlalak nia a sawi tarlangtu chu IT Act Section 67 (A) hnuaiah thubuai siamsak a ni.

CM chanchin tarlangtu hi Ajay Hatewar a inti a, Nagpur lam mi a ni. A Twitter-ah July 2 zing dar 8.36 khan thlalak hi a dahchhuak.

BJP worker pakhat, Sanjay Pandey chuan CM leh a chhungte thlalak hi WhatsApp message aṭangin a dawng tih sawiin, he thil hi CM hming tihchhiat tuma beihna a ni tiin complain a thehlut a ni. Pandey chuan thlalak tarlan hi a hlui, kum 2012 vela mi a nih thu a sawi. BJP hruaitu dang, Dharmpal Meshram pawhin Hatewar lakah hian complain a lo thehlut tawh bawk.

Senior inspector Subhash Khanvilkar chuan cyber branch hnenah Hatewar chanchin kimchang hi zawh a ni tawh a, chhui chian mek a ni, a ti.