EC-in SIR atan inbuatsaih nan September 30 thleng hun pe

Election Commission chuan state tina chief electoral officer (CEO) te chu electoral roll ennawnna, Special Intensive Revision (SIR) kalpuina atana inbuatsaihna turin September 30 thleng hun a pe.

Delhi-a press conference buatsaihah, EC official-te chuan SIR kalpuina tur hian CEO te chu revision neih hnuhnung ber chu behchhana hmang turin an hriattir. State tam tak chuan list hnuhnung ber hi an official website-ah an dah tawha ni. Delhi chuan 20-8 electoral roll list dahin, Uttarkhand chuan 2006 list a hmang dawn bawk. SIR kalpuina hmasa ber, Bihar chaun 2003 roll list kha behchhan atan a hmang. State tam zawk hian electoral roll ennawnna hi kum 2002 - 2004 inkar khan an nei.

Special Intensive Revision kalpuina tura a tum pawimawh ber chu voter-te pianna hmun aṭangin ram dang mi, dan loa India ram lutte dap chhuah leh list aṭanga paih a ni. State tam takah Bangladesh leh Myanmar aṭangin document nei loa lut hi an awm a ni. Nakkuma assembly inthlan neihna tur - Assam, Kerala, Puducherry, Tamil Nadu leh West Bengal-ahte electoral roll ennawn hi a pawimawh zual hle dawn a ni.