Commerce Minister-in US tlawh dawn

Commerce and industry minister Piyush Goyal chu India-US trade deal chungchang inbiakna nei turin vawiin hian US-ah a zin dawn a, ram pahnihte insumdawn tawnna, investment leh sector hrang hranga thawh dunna te chu an sawi tur zingah a tel.

September 16 khan Assistant U.S. Trade Representative for South and Central Asia, Brendan Lynch kaihhruai US palaite chuan New Delhi-ah Rajesh Agrawal kaihhruai Indian trade official-te an lo hmu tawh bawk. Ram pahnihte insumdawn tawnna chungchang an sawi hona boruak pawh a ṭha hle tih sawiin, inbiakna neih leh hun an nghahhlelh thu pawh an lo sawi tawh a ni.

Washington-a inbiakna neih turah hian tun hnai US president Donald Trump-an H1B visa fee a tihsan leh, Russia oil lei lo tura India a phutnate chu sawi ho tura zingah telh a nih leh nih loh sawichian a ni lo thung.