TN-in shipbuilding-ah Rs vbc 30,000 invest

Tamil Nadu sorkar chuan khawvel huapa shipbuilding hub-a an state siamna turin, ultra-mega project pahnih atan Rs vbc 30,000 investment a ti. Hemi hmang hian hna 55,000 siam theih an tum bawk.

Investment tihna tura inremna, Memorandum of Understanding (MoU) hi Toothukudi-a Transforming Maritime Sector-a hun hmanah an ziak a ni.

Inremna an siamah Cochin Shipyard Limited chuan Rs vbc 15,000 hmangin world-class commercial shipyard an siam dawn a, a thawh khatnaah direct-in mi 4,000 leh indirect-in mi 6,000 tan hna thawh tur an siam thei dawn a ni. Mazagon Dock Shipbuilders Limited chuan Rs vbc 15,000 hmangin shipyard an siam dawn bawk a, anni pawhin direct-in mi 5,000 leh indirect-in mi 40,000 tan hna an siam bawk ang.

State sorkarin amil Nadu Maritime Transport Manufacturing Policy 2025 hnuaiah lawng siamtu company-te tihchangtlun leh chawi lar a tum thu a puan hnuah, heng project lian tham pahnihte hi siam an ni.