2050 ah India ramah mihring tam ber dawn

Kum 2050-ah India chu khawvela mihring tamna ber ram a ni thei dawn.

India ramah mihring 127,42,39,769 an cheng mek a, mihring pun chak lam hi kum khatah 1.6% a ni. Hetianga zela a pun chhoh chuan kum 2050-ah China pelin, mihring tamna ber a ni thei ang.

National Population Stabilisation Fund (NPSF) in a tarlan danin, India rama mihring awm zat hi khawvel puma mihring awm zat aṭangin 17.25% a tling pha.

Khawvela mihring tamna ber ram, China-ah hian mi tluklehdingawn 1.39 vel an awm mek a ni. Mahse India-a mihring punna rate hi a san zawk avangin kum 2050 ah chuan China mihring zat hi pelin, India muipui hi tlulklehdingawn 1.63 vel an tlin phak rin a ni.

NPSF data chuan kum 2013 khan ramchhung mihring punna zat hi tlahniam mah se hei a rei lo tih a sawi. Kum 2011 chhiarpuia India rama mihring awm zat, tluklehdingawn 1.21 chu USA, Indonesia, Brazil, Pakistan, Bangladesh leh Japan rama mihring awm zet belhkhawm nen a inzat deuhthaw a ni. Uttar Pradesh state mipuite leh Brazil ram mipuite zat a intluk thuak bawk. Brazil hi khawvel ram hrang hrang zinga mihring tam lama a panga-na a tling.