India leh Kyrgyzstan sipaite'n nunchan zir dun dawn

India leh Kyrgyzstan chuan nimin khan thawh­dunna tur inremna thu­thlung pali an ziak a, heng zingah hian kum tina si­paite nunchan zir dunna tur, joint military exercise neihna tur pawh a tel.

Central Asia ram tlawh kual mektu, Prime Minister Narendra Modi chuan Inrinni zan khan Kyrgyzstan ram a thleng a, nimin khan Kyrgyzstan President Almazbek Atam­baev nen an inkawm.

Ram pahnihte inremna thuthlung ziah zingah hian defence leh culture field lama thawhdunna turte a tel. Election Commission-te pawhin thawkdun turin MoU pahnih an ziak bawk.

Kyrgyzstan rama de­mo­cracy tihchakna leh ram hmasawnna tura Pre­sident Atambaev-a hnathawhte chu fakin, PM Modi chuan India leh Kyr­gyzstan in inlaichinna ṭha leh nghet zawk an neih theih dante pawh inpawh taka an sawidun thu a sawi.

PM Modi hian nimin khan Kyrgyzstan khawpui, Bishkek-a Victory Monu­ment-ah pangpar a dah bawk. Kyrgyzstan a tlawh hma hian Uzbekistan leh Kazakshstan a tlawh tawh a, Russia-a Ufa khuaah BRICS leh SCO summit hmangin a kal bawk. Kyrgyzstan aṭang hian Tajikistan a pan leh ang.