Patna-a CWC meeting-ah Rahul leh Kharge tel dawn

Bihar khawpui, Patna-a Congress Working Committee meeting, September 24-a neih turah party president Mallikarjun Kharge bakah Rahul Gandhi an tel dawn tih AICC Bihar in-charge Krishna Allavaru chuan nimin khan a sawi.

Allavaru chuan assembly inthlan neihnatur, Bihar-ah hian Congerss chuan 'second war of independence' a bei leh mek a ni tiin, an state-a meeting nghah a nih chhan a sawi. Meeting-ah hian CWC member-te kal vek tura sawm an nih bakah, Congress sorkarna state-a chief minister te pawh beisei an nih thu a sawi bawk.

Congress party hi Bihar assembly inthlan neih tur atan ṭan a la chho hle a, BJP chu vote ruk/vote tihbo naa inhnamhnawiha puhin na takin a bei a ni. Party hruaitu Rahul Gandhi pawhin km ,1300 chuanga thui kea kalin Vote Adhikar Yatra a lo nei tawh bawk. Allavaru chuan prime minister Narendra Modi chu zirlai, zirṭha peih si loa exam-naa tihṭhat duha dik lo taka thiltih hreh lo angah a puh a ni.