PM hmathlir hmangin India mahni kein ding thei dawn: CP Radhakrishnan

India vice president, CP Radhakrishnan chuan prime minister Narendra Modi hmathlir ‘Aatmanirbhar Bharat’ chuan India chu defence, space, electronic, leh kawng hrang hrangah mahni kea ding thei turin a siam dawn tih a sawi. He thu hi PM Modi thusawi, 2022 June aṭanga May 2024 inkara mi thlan khawm dahna volume II a tlangzarhnaah a sawi a ni.

Radhakrishnan chuan ram chak tak chu thiltihtheihnaah chauh ni loin chetzia leh inpumkhatna aṭanga din a nih thu a sawi. Mahni ṭawng ngeia zirna ṭha neihte, tui thianghlim in tur, in vawn fai, mitin ban phak hriselna, leh retheihna tihtlem, clean energy, leh sik leh sa nghawng pawi lo tur neihte hmanga India-a mi tluklehdingawn 1.4 chengte tan aṭha zawnga thlen chu thiltihtheihna dik tak zawk a ni tih a sawi.

PM Modi thusawi hrang hrang dahna volume II hi ministry of information and broadcasting hnuaia publication division lakkhawm a ni a, tlangzarhnaah hian union minister of information and broadcasting Ashwini Vashnaw, Rajya Sabha deputy chairperson Harivansh Narayan Singh leh official eng emaw zat an tel.