Bengal CM-in a thlawna vaccine sem tiam

West Bengal chief minister Mamata Banerjee chuan nimin khan an state-ah coronavirus vac­cine chu a thlawn veka sem a ni dawn tih a puang. 

Frontline worker-te hnena lehkha a thawnah, CM Banerjee chuan Tri­namool Congress sorkar chuan state mipuite hnenah a thlawnin Covid-19 vaccine chu a pe dawn tih a sawi a ni. West Bengal hian kuminah assembly inthlan a hmachhawn dawn a, political party-te chuan coronavirus vaccine pawh hi campaign-na hmanruaah an hmang chho dawn niin a lang. Nikuma Bihar assembly inthlan neih dawn pawh khan, BJP chuan a campaign-na hmanruaah hmangin, state mipuite hnenah Covid vaccine hi a thlawna pek vek a lo tiam tawh bawk. 

West Bengal ruala assembly inthlan hmabak ve tho, Kerala-ah pawh chief minsiter Pinarayi Vijayan chuan an state-ah a thlawna coronavirus vaccine sem a lo tiam ve tawh bawk.