ECI-in J&K RS seat 4 ruak thlan hun tur puang

Election Commission of India(ECI) chuan nimin khan Jammu and Kashmir union territory-a Rajya Sabha seat ruak pali hnawh khat tura inthlan neih hun atan October 24 ruat a nih thu a puang.

Inthlan buatsaih turah hian nomination thehluh theih hun hnuhnung ber hi October 13 a ni a, nomination endikna hi October 14-ah neih nghal tum a ni bawk. Inhnuhdawkna hun hnuhnung atan October 16 ruat a ni. Vote hi October 24 zing dar 9 aṭanga zan dar 4 thleng thlak tur niin, hemi ni vek hian vote chhiar nghal a ni ang.

Jammu and Kashmir-ah hian kum 2021 February aṭangin seat hi a ruak a, seat ruak hi Legislative Assembly a din mumal loh tak avangin thlan mai theih a ni lo. Seat ruak hnawhkhahna tur hi February 15, 2021-a term tawp Ghulam Nabi Azad leh Nazir Ahmed Laway leh February 10, 2021-a term tawp Fayaz Ahmed Mir leh Shamsheer Singh Manhas te bial an ni.