US-in India nena energy-a sumdawn tawnna zau zawk neih duh

U.S. energy secretary Chris Wright chuan Nilaini khan New York Foreign Press Centre-a thuthar lakhawmtute a kawmnaah, energy huanga thawh dunna leh insumdawn tawnna chu India nen zau zawka neih zel an duh thu a sawi. Wright hian India chu natural gas, lungalhthei, nuclear, leh eirawng bawlna fuel te hmanga sumdawnna zau zawk neih pui atana thawh pui ṭha tak an nih thu a sawi.

US-in India laka chhiah a tihpun hnua energy huanga thawhpui ṭha a tih leh tih loh an zawhna chhangin Wright chuan," President Trump-a'n khawvela remna leh muanna a duh vanga a hmalakna vangin chhiah tihpun sak an ni" a ti a, "India chu energy huanga sumdawn tawnna neihpui ngei chu kan duh a ni" a ti zui bawk. India chu khawvela democracy ram lian ber a nih thu leh economy ṭhang duang tak a nih thu a sawi lang bawk a ni.

India chuan energy a chawk luh chungchangah ram chhung mamawh leh duh dan ang zela a lei tur thu a lo tichiang tawh a, Russia oil a lei pawh khawthlang ramten Russia hrekna an tihchhuah hnuah khan niin, man tlawm zawkin a lei zel a ni. Heng vang hian India chuan oil a mamawh ang chu khaihlak awm loin a neih theih phah bawk.