UN hi dinhmun khirh takah dingin siam ṭhat a mamawh hle: Jaishankar

External affairs minister S Jaishankar chuan United Nations General Assembly(UNGA) vawi 80-na New York-a neih mekah Inrinni liamta khan thu sawiin, United Nations chu ṭhan ṭhu mek a nih thu leh siam ṭhat a mamawh hle tih a sawi.UN chu dinhmun khirh leh buai takah a ding mek a ni, a ti.

Jaishankar chuan United Nations Security Council chuan permanent leh non-permanent member chungchang a tihzauh a ṭul thu te, Pakistan chu firfiak pawl tamna hmun a nih thu leh hemi avanga khawvelin harsatna hrang hrang a tawh phah mek thute a sawi lang

Inhmuh thiam lohnate, hmanrua tlakchhamna leh firfiak pawl hleilenna chuan UN chu dinhmun ṭha lo leh buai takah a dah mek niin a sawi a, khawvel hrang hrang thawh hona ṭha neih chu UN thuneihna tihtlem a nih vangin nasa takin a tlakhniam bakah rinna nghah a harsat phah bawk a ni, a ti. Sawi zawmin Arabian Sea huam chhunga UN kaltlanga remna leh muanna kenkawh a nih theihna tura India hmalakna chu India foreign policy vang a nih thu a sawi lang bawk.