BJP-in Dhaka-ah Muslim voter 80,000 dawn paih

Reporters Collective-in zir chianna a neih aṭanga a tarlan danin, Bihar-a Dhaka constituency-ah Muslim mi 80,000 dawn roll aṭanga paih an ni tih hmuh chhuah a ni. Report chuan BJP hian vawi eng emaw zat roll aṭanga paih hi an tum niin a tarlang bawk.

BJP headquarters, Patna aṭangin state-a chief electoral officer hnenah Muslim mi tam tham tak chu India khua leh tui an ni lo tiin roll aṭanga paih tura ngenna lehkha an thawn niin report chuan a tarlang. Chhui chiannaah hian BJP mi leh sa, booth-level agent (BLA) Dhaka-a mi leh BJP MLA Pawan Kumar Jaiswal PA chuan roll aṭang hian paih tir an lo tum bawk tih an hmuchhuak a ni.

Roll tih tharna dilna form-ah voter-te roll aṭanga paih an nih dawn hian a chhan sawi tel a ngai ṭhin a, mahse, hengte hi BLA lam hian an tarlang tel lo a ni. Roll aṭanga paih tura ngenna hi theh luh theih hun tawp, August 31 khan a hlawma lutin, Muslim voter 78,384 paih tura ngenna hi a lut a, EPIC number pawh tarlan vek a ni bawk.

Muslim voter paih tamna chu Chandanbara khua niin mi 5,000 bawr lakah complain theh luh a ni. An zingah hian booth-level officer, zirtirtu, leh booth-level-agent-te an tel. Dhaka huam chhung Indo-Nepal ramri constituency hi Congress party chakna ṭhin niin, tunah erawh RJD lam an chak thung.