India-Bhutan inkalpawhna tur rel kawng siam dawn

India leh Bhutan inkalpawh theihna tur rel kawng pahnih siamna atan Rs vbc 4,033 hu ruahman a nih thu foreign secretary Vikram Mishri chuan nimin khan thuthar lakhawmtute a kawmnaah a puang. Project hi Kokrajhar-Gelephu(Assam) leh Banarhat-Samtse (West Bengal) ah siam tum niin km 89-a thui tur a ni.

Rel hmanga inkalpawhna tur project thawhna tur hian nikuma prime minister Narendra Modi-a'n Bhutan a tlawh khan MoU ziah a ni a, inremna hi nimina Bhutan foreign secretary a rawn zin laiin tihfel a ni. Rel kawng thar pahnih hmang hian Bhutan chuan India-a rel hmanga inkalpawhna km 1,50,000 zeta thui a hman theih phah dawn bawk.

India hi Bhutan sumdawn pui lian ber niin Bhutan aṭanga EXIM trade tam zawk hi India ports kaltlanga thawn a ni a, heivang hian rel kawng siam hi Bhutan economy nasa taka ṭhan tir theitu tur a ni. Kokrajhar-Gelephu rel kawng hi kum li chhunga zawh hman tum niin, Banarhat-Samtse erawh kum thum chhunga peih hman tum a ni thung.