Maoist lakah inkahhai puan a ni dawn lo, silai tung rawh se : Amit Shah

Union home minister Amit Shah chuan Pathianni liam taa Dr. Syama Prasad Mookerjee Research Foundation-in a buatsaih ‘Naxal Mukt Bharat: Ending Red Terror Under PM Narendra Modi’s Leadership’ a thu a sawiah, Maoists lakah inkahhai puan a ni dawn lo a, an silai an tung a nih chuan lawm taka dawnsawn an nih tur thu a sawi. Sorkar laipui chuan kum 2026 March 31 hmain Maoist pawl leh ngaihdan thlawptute chu nuai chimih vek a tum tih a sawi bawk.

Shah chuan tun thla tir lama Communist Party of India (Maoists) lehkha thawn niawm tak chungchang sawiin,"Tun hnaiah rilru tibuai thei tur niawm tak lehkha, inpek duhna ni awm tak chu a darh a, mahse, inkahhai puan a ni dawn lo. In pek in duh chuan in silai tung rawh u. Tichuan chhawmdawlna pawh in dawng ang," a ti.

"Kan ram kan independent hlim khan kan rethei hle a, hmun hrang hrangah hmasawnna a kal rual thei lo. Tunah chuan khang dinhmunte kha a dang tawh a, leftist zawng zawng leh a kalphung thlawptute chu inpe turin ka duh a ni," tiin Shah chuan Maoist-te chu a chah.