London-a Mahatma Gandhi lim suasam

England khawpui, London-a kumtina October 2-a Mahatma Gandhi pianchampha an lawmna ṭhin, Travistock Square-a Gandhi lim dah chu Thawhṭanni khan suasam a ni. Graffiti hmangin lim hi tihhmelhem a ni.

High Commission chuan thuchhuah siamin Gandhi lim suasam chu pawikhawihna satliah a nih loh thu leh, tharum thawhna duh lohna ngaihdan duh lohna lantirna lian tak a nih thu an tarlang. Pawikhawihna thleng chungchangah hian tualchhung thuneitute nen rang taka hma lak nghal a nih thu te, lim suasam chu a nihna ngaia siam ṭhat leh tum a nih thute an sawi.

Mahatma Gandhi pianchampha hi United Nations hmalakna in International Day of Non-Violence atana hman ṭhin a ni a, hemi ni pual hian pangpar leh Gandhi-a bhajans ngainat ber chu amah hriatreng nan a lim chhevelah hian kumtin dah ṭhin a ni bawk. Lim hi dar hmanga siam niin kum 1968 khan hawn a ni.