P20 summit-a India aiawhte RS deputy chairman-in a ho dawn

G20 Parliamentary Speaker Summit(P20) vawi 11-na Kleinmond, Western Cape, South Africa-a neih turah India aiawhte chu Rajya Sabha deputy chairman Harivansh-in a ho dawn. Summit hi October 1-3 chhung neih tur niin, Harvinsh hian thu sawiin, khawvel huapa thawh hona leh sustainable development thlen tura India inpeknate a sawi dawn a ni.

Harivansh office-in thuchhuah a siamah, Harivansh hian theme hrang ve ve ‘Strengthening Disaster Resilience and Responses’ leh ‘Mobilising Finance for a Just Energy Transition’ tih hmanga session hnihah thu a sawi dawn a ni. Sik leh sa nghawng thei kawnga India inpekna leh chhiatna hrang hrang awmze nei zawka hmachhawn a nih theih dan kawnga India thlirnate a sawi dawn a ni. ‘Harnessing Critical Minerals for Sustainable Development’ session chu a kaihruai bawk ang.

Summit neih karlakah Germany, Italy leh ram hrang hrang speaker-te a kawm dawn a, inter-parliamentary cooperation ṭha neihna tur leh, democracy huanga thuk zawka thawh hona neih dan turte a sawipui dawn a ni.

South Africa hi Africa ram zinga G20 Speaker summit thleng hmasa ber ram a ni a, kumin summit thupui atan 'Solidarity, Equality, and Sustainability' tih hman a ni. India hian G20 president dinhmun a chelh chhungin kum 2023 khan 9th P20 Summit alo thleng ve tawh bawk.