CSS forum-in tihduhdahna thleng vanga mahni inthah tumna chhui phut

Central sorkar official kum 33 miin a hnathawhna hmuna tihduhdahna a tawh vanga office chhunga intihhlum a tum aṭanga ni hnih hnuah, Central Secretariat Service(CSS) Forum chuan nimin khan Social Justice and Empowerment Minister leh Department of Personnel and Training hnenah hemi chungchang hi rang taka chhui tura an phut thu an thlen.

Tihdudahna tuartu hi Central Delhi-a Shastri Bhavan building-a Social Justice and Empowerment Ministry office chhawng sarihna aṭangin intihhlum tumin a zuang thla a, mahse, vanneihthlak takin a dam chhuak a ni. Thil thleng vang hian a pa, RS Meena chuan October 1 khan FIR a thehlut a, mahse, ziah luh a la ni lo.

CSS Forum chuan thil thleng hi pawi an tih thu leh intihduhdahna thleng chu an dem thu an sawi a, hnathawhna hmuna intihduhdahna thlengin rilru lam harsatna a thlen ṭhin chu chhui chianna neih thuai a ṭul zia a tilang a ni, an ti. CSS official 150 bawr chuan October 1 khan Kartavya Path police station thleng kawng zawhin hetiang thlen tirtu senior officer laka FIR zik lut tur hian an ngen nghal bawk.