Chhattisgarh-ah Maoist mi 103 inpe

Union home minister Amit Shah-a'n Maoist-in inkahhai puanna tur an thlen a hnawlsak hnuah Ningani khan CPI (Maoist) mi leh sa 103 chu Bijapur district, Chhattisgarh-ah an inpe. Inpe zingah hian luman nei mi 49 telin, an luman belhkhawm hi Rs vbc 1.06 a tling a ni.

Maoist mi leh sate hi Amit Shah-a'n inkahhai puan a nih loh tur thu leh an sa himna tur a inpe zawk tura a tih hnuah an inpe a, Bastar Police chuan hel inpete list hi an tichhuak nghal bawk. Inpe zingah hian senior functionary leh lower-rank militia eng emaw zat an tel a, kum 18 aṭanga kum 40 inkar an ni hlawm.

Vantlang khawsak pangngai zawm tura inpete hnenah hian sum hmanga chhawmdawlna Rs 50,000 ṭheuh hlan an ni. Silai tungte hnenah puihna tur policy ṭha tak duan chuan ṭhalai kalsual tawh tam tak a tilawm hle niin Bijapur district police chief Jitendra Yadav chuan a sawi. State-in Surrender and Rehabilition policy thar a siamah hian hel inpete chu an chenna tur in a thlawna pek, healthcare, lo neihna tur, leh mamawh dang bakah sum hmanga puih leh skill training emaw sumdawnna tenau emaw bul ṭanna pekte a huam tel a ni.