Ni 229 chhunga hri vanga thi tlem ber ni thleng

India ramah Pathianni khan Covid-19 vanga thi mi 161 an awm a, hei hi ni 229 chhunga hripui vanga thi an tlem ber ni a ni. Ram pumah hripui vanga thi hi mi 1,51,160 an awm tawh. 

Pathianni vek khan hri kai hmuh chhuah thar mi 16,311 an awm belh leh a, heng mite nen hri kai hmuh tawh hi  1,04,66,595 an tling tawh. Hetih lai hian hri kai zinga 96.43% chu enkawl dam an ni tawh a, hri  kai mek hi 2.13% chauh an ni tawh a ni. 

Hri kai hmuh thar zinga 78.56% chu state/Union Territory 10 ami an ni a, Kerala state-ah hri kai thar tam berin 4,545 an awm a, Maharashtra-in dawtin Covid-19 kai hmuh chhuah thar 3,558 an awm bawk. Pathiannia hri kai hmuh thar zingah hian UK-a Covid-19 hri chi dang hmuh chhuah, SARS-CoV-2 kai paruk an tel a, he hri kai hmuh tawh hi ram pumah mi 96 an awm tawh. An vai hian an awmna state-a healthcare facility-a single-room isolation-ah dah hran vek an ni. An contact neihte pawh inkhunghran tir an ni bawk a ni.