Social media-a PM Modi sawisel vangin RS deputy director hrem

Social media Facebook-a prime minister Narendra Modi kalh zawnga thu a post avangin, Rajya Sabha Secretariat deputy director Urujul Hasan chu a hna ngai chelh thei loa hrem a ni. 

Urujul Hasan hian PM Modi bakah hian BJP cabinet minister-te leh Uttar Pradesh chief minister Yogi Adityanath kalh zawngin leh sawisel zawngin thu a post tel bawk a ni. Hei vang hian sorkar chuan Hasan hi kum 5 chhung chu a hlawhah increment (kumtina sorkar hna hlawhpunna) a neih ve theih dawn loh bakah, kum 5 hnua a hna ngai chelh chhunzawm tir theih loh a nih thu thuchhuah a siam. 

Hasan hian kum 2018 khan Modi leh midangte sawiselna thu hi Facebook-ah a post a, hemi kum vek April leh May inkar khan a lakah hian complaint theh luh a ni. Sorkar hna thawk a nih angin Central Civil Services Conduct Rules of 1964 hnuia 'political neutrality' (politics-a ṭanlam nei lo) a vawn nun loh avangin a hna aṭang hian suspend tawh a ni bawk.

A chungchang thu hi sorkar lamin uluk tak a ngaihtuah hnuah, February 12 khan Hasan chungchang thu hi sorkar chuan a relfelna thu a ti chhuak ta a ni.