India-in RBI thlawpnain digital currency siam tum

Union minister of commerce and industry Piyush Goyal chuan Doha, Qatar-a hun a hman mekah India chuan Reserve Bank of India (RBI) thlawpnain India bil hman tur digital currency tlangzarh a tum tih a sawi. He ruahmanna hi sum chetvelna him zawk, awlsam zawk, leh langtlang zawk thlen thei tur a nih thu leh pawisa lehkha hman tihtlemna tur a nih thu a tarlang.

Goyal chuan digital currency chu pawisa pangngai anga hman theih ni dawn mah se electronic kaltlanga hman tur a nih thu leh, a hlawhtlin theihna turin RBI chuan pawisa pangngai angin a pawm dawn niin a sawi. Kawng hrang hrangin hlawkna leh awlsamna a thlen theih tur thute, banking system aia chhui zui awlsam zawk tur a nih tur thu a sawilang bawk.

Crypto currency chu India-in a khap lo a, mahse, hman a phal thu a tihchhuah loh thu Goyal chuan a sawi. Sorkar chuan hengte hmanga bungrua dahkhamah erawh chhiaha lak ṭhin thu a sawilang bawk. Digital currency system hman a nih chuan sum dik lo leh fel lo chu awlsam zawkin a hriat theih dawn bakah, awlsam taka finfiah theih a nih tur thu a sawi a ni.

Minister chuan India digital currency chu crypto currency nen a in an loh tur thu sawiin, India siam tur chu RBI-in a thlawp tur leh, hmangtute tan him leh innghahna tlak zawk financial system hmanga a pek theih tur thu a tarlang.